ეგვიპტეში არჩევნების მეორე ტურის შედეგები გამოცხადდა

ეგვიპტის საპარლამენტო არჩევნების მეორე ტური დასრულდა, სადაც ორმა მთავარმა ისლამურმა პარტიამ ამომრჩეველთა ხმების ორი მესამედის დაგროვება შეძლო. ამის შესახებ ეგვიპტის საარჩევნო კომისიის ხელმძღვანელმა აბდელ-მოიზ იბრაჰიმმა განაცხადა. მეორე ტური ეგვიპტის ცხრა რეგიონში ჩატარდა და მასში ამომრჩეველთა 65 პროცენტი მონაწილეობდა. "ისლამურმა საძმომ" ხმების 36, 3 პროცენტი მიიღო, ხოლო ულტრა-კონსერვატიულმა სალაფ ალ-ნურის პარტიამ 28,8 პროცენტი. მას შემდეგ რაც რევოლუციის შედეგად ეგვიპტეში ჰოსნი მუბარაქის რეჟიმი დაემხო, ეს ქვეყანაში პირველი თავისუფალი არჩევნებია.