ატლანტაში ლეგენდარული კონგრესმენი, სამოქალაქო უფლებებისთვის მებრძოლი ამერიკელი გმირი, კონგრესმენი ჯონ ლუისი დაკრძალეს. ამერიკელ ხალხთან ერთად, მას სამივე ექსპრეზიდენტი - ბარაკ ობამა, ჯორჯ ბუში და ბილ კლინტონი - დაემშვიდობნენ. ლუისი 1963 წლის ვაშინგტონის ცნობილი მარშის ორგანიზატორი, ე.წ. დიდი ექვსეულის ბოლო წარმომადგენელი იყო. მასშტაბურ ანტირასისტულ დემონსტრაციაზე მაშინ მარტინ ლუთერ კინგმა თავისი ცნობილი სიტყვა, „მე მაქვს ოცნება“, წარმოსთქვა.
