ავღანეთში პოლიციის უფროსი მოკლეს

ავღანეთში ფარას პროვინციის პოლიციის უფროსი უცნობმა თავდამსხმელებმა მოკლეს. ოფიციალური პირების განცხადებით, პოლიციის უფროსი აბდულ ღანი საკუთარ სახლში იმყოფებოდა, როდესაც შეიარაღებულმა პირებმა ცეცხლი გაუხსნეს.

სამართალდამცავებს ჯერ არავინ დაუკავებიათ. საინფორმაციო სააგენტო ასოშეიტედ პრესის ცნობით, აბდულ ღადი მეამბოხეებთან ბრძოლით გამოირჩეოდა. მის რაიონში თალიბანის რამდენიმე ლიდერის დაკავება და ლიკვიდაცია სწორედ მისი დამსახურება იყო.