ისრაელის მიერ ოკუპირებულ ტერიტორიებზე სულ ცოტა ექვსი პალესტინელი მოკლეს.
ქალაქ კალკილიაში ორი პალესტინელი მანქანაში დამონტაჟებული ბომბის აფეთქების შედეგად დაიღუპა.
ღაზის სექტორში კი სამი პალესტინელი შეიარაღებული პირი საჰაერო თავდასხმის დროს მოკლეს. ისრაელის სამხედროების განცხადებით, სამხედრო შვეულმფრენმა მაშინ გაუხსნა ცეცხლი პალესტინელებს, როდესაც ისინი ებრაულ დასახლებაში შეღწევას ცდილობდნენ.
კიდევ ერთი მცირეწლოვანი პალესტინელი ისრაელის ჯარისკაცებმა ქალაქ ჯენინში გამოასალმეს სიცოცხლეს, როდესაც ის თავის ამხანაგებთან ერთად ებრაელ სამხედროებს ქვებს ესროდა.