დაჯგუფება "ჰამასმა" ღაზის სექტორში თავისი ლიდერი იაჰია სინვარი ყოფილი პოლიტიკური ლიდერის - ისმაილ ჰანიეს შემცვლელად დაასახელა. ამის შესახებ ინფორმაცია თავად "ჰამასმა" გაავრცელა. ჰანიე თეირანში გასულ კვირას მოკლეს.
სინვარი, ისრაელზე ათწლეულების განმავლობაში ყველაზე დამანგრეველი თავდასხმის დამგეგმავი ომის დაწყების შემდეგ, სავარაუდოდ სწორედ ღაზაში იმალებოდა.
„ისლამური წინააღმდეგობის მოძრაობა “ჰამასი” აცხადებს მეთაურის იაჰია სინვარის არჩევას მოძრაობის პოლიტბიუროს ხელმძღვანელად, მოწამე მეთაურის ისმაილ ჰანიეს შემცვლელად, ღმერთმა შეიწყალოს იგი“, - ნათქვამია დაჯგუფების მოკლე განცხადებაში.
სინვარი, რომელმაც თავისი ზრდასრული ცხოვრების ნახევარი ისრაელის ციხეებში გაატარა, "ჰამასის" ერთ-ერთი ძლიერი ლიდერია, რომელიც ჰანიეს მკვლელობის შემდეგ ცოცხალი გადარჩა.
ირანში ჰანიეს მკვლელობაზე ისრაელს პასუხისმგებლობა არ აუღია. მაგრამ განაცხადა, რომ მოკლა სხვა მაღალი რანგის ლიდერები, მათ შორის ბეირუთში "ჰამასის" ლიდერის მოადგილე სალეჰ ალ-არური და მოჰამედ დეიფი, მოძრაობის სამხედრო მეთაური.
ისრაელის მთავარმა სამხედრო სპიკერმა, კონტრადმირალმა დანიელ ჰაგარიმ 7 ოქტომბრის თავდასხმაში სინვარი დაადანაშაულა და თქვა, რომ ისრაელი გააგრძელებს მის ძებნას.
„იაჰია სინვარისთვის მხოლოდ ერთი ადგილია და ეს არის მუჰამედ დეიფის და 7 ოქტომბრის დანარჩენი ტერორისტების გვერდით“, - განუცხადა მან ტელევიზიას Al-Arabiya-ს. "ეს არის ერთადერთი ადგილი, რომელსაც ჩვენ ვამზადებთ მისთვის."
ისრაელისთვის ეს დანიშვნა კიდევ ერთხელ მიანიშნებს, რომ “ჰამასი” მის განადგურებას ესწრაფვის და, სავარაუდოდ, გააძლიერებს პრემიერ- მინისტრ ბენიამინ ნეთანიაჰუს პოზიციას, რომ ღაზაში ისრაელმაც უნდა განაგრძოს თავისი სამხედრო კამპანია. თეთრმა სახლმა სინვარის დანიშვნის თაობაზე კომენტარის გაკეთებაზე უარი თქვა.
