ორშაბათს ბრიტანეთის საგარეო საქმეთა მინისტრმა დევიდ კამერონმა პირობა დადო, რომ დაეხმარება ფოლკლენდის კუნძულების დაცვას, თუ მათ სურთ ბრიტანეთის კონტროლქვეშ დარჩენა, მიუხედავად არგენტინის ახალი ლიდერის მცდელობისა, მათი სუვერენიტეტის შესახებ მოლაპარაკებები განაახლოს.
არგენტინას სურდა განეახლებინა მოლაპარაკებები ფოლკლენდის კუნძულების შესახებ. 1982 წელს, ამ კუნძულების გამო, ბრიტანეთმა და არგენტინამ იომეს, მაგრამ ბრიტანეთი აცხადებს, რომ სანამ კუნძულელებს სურთ ბრიტანეთში დარჩნენ, ეს საკითხი მოლაპარაკების საგანი არ არის.
„ჩვენ მათ დავეხმარებით, მხარში დავუდგებით, დავეხმარებით თავდაცვაში, აბსოლუტურად, რამდენ ხანსაც მათ სურთ. ვიმედოვნებ, რომ ძალიან, ძალიან დიდხანს იქნება, შესაძლოა სამუდამოდ“, უთხრა კამერონმა ჟურნალისტებს.
არგენტინის პრეზიდენტმა ჰავიერ მილეიმ, რომელმაც პრეზიდენტის თანამდებობა ნოემბერში დაიკავა, თქვა რომ არგენტინამ დიპლომატიური არხებით უნდა სცადოს კუნძულების დაბრუნება, რომელსაც არგენტინა მალვინის კუნძულებს უწოდებს.
2013 წელს, ფოლკლენდის მცხოვრებლებმა, ბრიტანეთის ქვეშ და არქიპელაგის ბრიტანეთის საზღვარგარეთულ ტერიტორიად დარჩენას რეფერენდუმზე ხმა თითქმის ერთსულოვნად მისცეს.
კამერონმა პორტ სტენლიში არსებულ მემორიალზე პატივი მიაგო ფოლკლენდის ომში დაღუპულებს. ომმა 255 ბრიტანელი და 649 არგენტინელი ჯარისკაცი შეიწირა.
კამერონმა, რომელიც დავოსის ფორუმზე მილეის შეხვდა, ჟურნალისტებს უთხრა, რომ ბრიტანეთს ბუენოს აირესთან, რა თქმა უნდა კარგი ურთიერთობები სურს, მაგრამ ეს ფოლკლენდის მცხოვრებლების სურვილების ხარჯზე არასდროს მოხდება.
