სოჭის საზღვაო პორტი მოლაპარაკებებს აწარმოებს საქართველოსა და ოკუპირებულ აფხაზეთში მგზავრთა გადაყვანაზე, ამის შესახებ სააგენტო "ტასს" სააქციო საზოგადოება „სოჭის საზღვაო პორტის“ გენერალურმა დირექტორმა იური ვლადიმიროვმა აცნობა.
„ვიმედოვნებთ, რომ იქნება [სამგზავრო გადაყვანა] აფხაზეთსა და საქართველოში, ჯერჯერობით მიმდინარეობს მოლაპარაკებები, მიზნად გვაქვს [გადაყვანა] ამ ზაფხულს დავიწყოთ“, - განაცხადა ვლადიმიროვმა.
მან დააზუსტა, რომ სოჭიდან საქართველოში მგზავრთა გადაყვანა, სავარაუდოდ, ბათუმში განხორციელდება.
„ძალიან დიდი მოთხოვნაა მგზავრთა გადაყვანის ახალ საზღვაო მარშრუტებზე, ჩვენ შევეცდებით ჩვენი ტურისტების მოთხოვნა დავაკმაყოფილოთ შესაძლებლობის ფარგლებში, ამ მიმართულებით განვვითარდებით“, - დაამატა ვლადიმიროვმა.
მანამდე რუსეთის საგარეო საქმეთა მინისტრმა სერგეი ლავროვმა იმედი გამოთქვა საქართველოსთან ავიამიმოსვლის აღდგენაზე. საქართველოს მმართველი პარტია „ქართული ოცნება“ ინიციატივას დადებითად აფასებს.
ამასთან, ოკუპირებული აფხაზეთის დე ფაქტო ხელისუფლება რუსეთთან ავიამიმოსვლის დასაწყებად სოხუმის აეროპორტის რემონტთან დაკავშირებით მოლაპარაკებებს აწარმოებს.
