დღევანდელ გადაცემაში ნიუ-იორკში მცხოვრებ კოსმეტოლოგს გაგაცნობთ. ანა სიდამონიძე კოვიდ პანდემიის გამო იძულებული გახდა 1 წლის განმავლობაში მუშაობა შეეწყვიტა და შთაგონებაც სწორედ მაშინ ეწვია. ანამ საკუთარი კანის მოვლის საშუალებების ხაზი შექმნა. მისი პროდუქტი მალევე გახდა პოპულარული და ახლა ამერიკის გიგანტ გაყიდვების პლატფორმა ამაზონზეც შეგიძლიათ ნახოთ. დღევანდელ გადაცემაში გიყვებით ანაზე, რომელმაც თბილისში დატოვა ძველი ცხოვრება, ამერიკაში ნულიდან დაიწყო ყველაფერი და სრულად შეიცვალა, როგორც პროფესია, ისე მიზნები. ანა, რომელმაც ნიუ-იორკში მაღაზიის დამლაგებლად დაიწყო მუშაობა, ახლა კი საკუთარი კომპანია აქვს, ამბობს, რომ მთავარია ადამიანმა გაბედოს და სცადოს, რადგან არასდროს იცი, როდის აგისრულდება ოცნება.
