საქართველოში მიმდინარე მოვლენები აქტიური განხილვის საკითხია ქვეყნის სტრატეგიული პარტნიორის, ამერიკის დედაქალაქ ვაშინგტონშიც. რას ფიქრობენ საქართველოში განვითარებულ მოვლენებზე ამერიკის საექსპერტო წრეებში.
ამერიკაში მცხოვრები ამომრჩევლები საპარლამენტო არჩევნებში მონაწილეობის მისაღებად ემზადებიან და ამბობენ, რომ ემიგრაციაში ყველა ხმას ისეთივე განსაკუთრებულად დიდი მნიშვნელობა აქვს, როგორც საქართველოში. ექსკლუზიური რეპორტაჟი სან-ფრანცისკოდან.
არჩევნებისთვის წელს განსაკუთრებით ემზადებიან ამერიკაში მცხოვრები ქართველი ამომრჩევლები. ცესკოს ოფიციალური მონაცემებით ამერიკის შეერთებულ შტატებში 14 000-ზე მეტი ამომრჩეველია დარესგიტრირებული. რეპორტაჟი სან-ფრანცისკოდან, სადაც დასავლეთ სანაპიროზე ერთადერთი საარჩევნო უბანია განთავსებული.
მიუხედავად დაბრკოლებებისა, ქართველი ემიგრანტები ყველაფერს აკეთებენ, რომ მათი ხმები არ დაიკარგოს. ბევრ მათგანს ასობით კილომეტრის გავლა და სკამაოდ მოზრდილი თანხის გადახდა უწევს იმისთვის, რომ მხოლოდ 3 ქალაქში გახსნილ საარჩევნო უბნებამდე ჩავიდეს
ეს ისტორიული რეზოლუციაა, რომელიც ნათელ გზავნილს უშვებს ბიძინა ივანიშვილთან და საქართველოს მთავრობასთან, რომ მათი ქმედება შეუთავსებელია ევროინტეგრაციის პროცესთან- ასე აფასებენ ევროპარლამენტარები „ამერიკის ხმასთან“ საუბარში რამდენიმე დღის წინ მიღებულ რეზოლუციას საქართველოსთან დაკავშირებით.
ევროპარლამენტი ბიძინა ივანიშვილის დასანქცირებას ითხოვს, ევროკავშირი კი საქართველოს მთავრობას მორიგ ჯერზე უჩერებს ფინანსურ დახმარებას. როგორც და რატომ დაზიანდა ურთიერთობები ევროკავშირსა და საქართველოს შორის და რა ბედი ელის ქვეყნის ევროპულ მომავალს. ევროპარლამენტარების ხედვა ბრიუსელიდან.
ამერიკის საპრეზიდენტო არჩევნებამდე დაახლოებით ერთი თვით ადრე ვიცე-პრეზიდენტობის კანდიდატებს შორის პირველი და უკანასკნელი დებატები შედგა. რესპუბლიკელი სენატორის ჯეი დი ვენსისა და დემოკრატი გუბერნატორის - ტიმ ვოლცის დებატები შიდა პოლიტიკის საკითხებს დაეთმო და ურთიერთშეურაცხყოფის გარეშე ჩატარდა.
ამერიკამ საქართველოში დაწესებული სანქციების შემდეგ, მორიგი ნაბიჯები გადადგა: ივანიშვილის წინააღმდეგ სანქციების პაკეტი შემუშავებულია; გაეროს ასამბლეაზე კობახიძის გუნდს მაღალჩინოსნებთან შეხვედრაზე უარი უთხრეს; გააუქმეს მისთვის გაგზავნილი მიწვევაც- ექსპერტების შეფასება ბოლო დროს განვითარებულ მოვლენებზე
„სტუმარ-მასპინძლობის გაკვეთილებს „ქართული ოცნებისგან“ არ მივიღებთ“ — აშშ-ში ექსპერტები პაპუაშვილის განცხადებას ეხმაურებიან და ამბობენ, რომ ბაიდენის ადმინისტრაციის გადაწყვეტილებას, კობახიძის მიღებაზე მოწვევის გაუქმების შესახებ, იწონებენ.
ამერიკის სახელმწიფო დეპარტამენტისა და ხაზინის მიერ ქართველი მაღალჩინოსნებისთვის დაწესებული მორიგი სანქციების ტალღას და ბიძინა ივანიშვილის ბოდიშის მოხდის ინიციატივას აფასებენ ექსპერტები ვაშინგტონში. საქართველოს მეგობრები სანქციების შეჩერებას არ ელოდებიან, ივანიშვილის ინიციატივას კი უადგილოს უწოდებენ
2008 წელს რუსეთი შეიჭრა საქართველოში, ბოდიშის მოხდა კი სრულიად უადგილოა- ასე აფასებენ ამერიკელი ექსპერტები ვაშინგტონში ბიძინა ივანიშვილის განცხადებას იმასთან დაკავშირებით, რომ არჩევნების მერე საქართველო „ ძალას გამონახავს საკუთარ თავში ბოდიშის მოსახდელად“ 2008 წლის ომის გამო.
ამერიკის სახელმწიფო დეპარტამენტისა და ხაზინის მიერ, სანქციების მორიგ ტალღას აფასებენ ვაშინგტონში. ექსპერტები განმარტავენ, რომ სანქციების მორიგი ტალღა ამერიკა-საქართელოს შორის ურთიერთობების მკვეთრი გაუარესების ნიშანია და ის შესაძლოა ერთგვარ წინსაარჩევნო გაფრთხილებადაც აღიქმებოდეს.
მეტის ჩატვირთვა
