ჯანდაცვის მსოფლიო ორგანიზაციაში ამბობენ, რომ ამ დრომდე არ არსებობს კონკრეტულად ერთი წამალი რომელიც კლავს ვირუსს, თუმცა აქვე აღნიშნავენ, რომ მსოფლიოში არის რამდენიმე წამალი რომელიც ზღუდავს ვირუსს, ავადობის ხანგძლივობას და ვირუსით გამოწვეულ სიმძიმეებს ამსუბუქებს.
„ჩვენ ვიღებთ პოზიციურ მონაცემებს მაგრამ ჩვენ გვჭირდება მეტი დასტური იმისთვის რომ წამალი ან ვაქცინა 100% ეფექტურია,“- განაცხადა ჯანდაცვის მსოფლიო ორგანიზაციის პრესსპიკერმა მარგარეტ ჰარისმა.
ჰარისს არ დაუკონკრეტებია, თუ რომელი ვაქცინისა და წამლის შესახებ საუბრობდა. თუმცა, აქამდე ცნობილია, რომ ამერიკული კომპანია გილეადის მიერ შექმნილი პრეპარატი „რემდესივირი“ აჩვენებს დადებით ეფექტებს კოვიდ19-თან ბრძოლაში.
ჯანდაცვის მსოფლიო ორგანიზაციაში ფიქრობენ, რომ კორონავირუსები რთული ვირუსებია და მათ საწინააღმდეგოდ ვაქცინის წარმოება გაცილებით რთულია. ამ დროისთვის, მსოფლიოში 100-ზე მეტი ვაქცინის შესახებ მიმდინარეობს მუშაობა, მათი ნაწილი კლინიკურ კვლევებში გამოიყენება. ჯანდაცვის მსოფლიო ორგანიზაციაში ფიქრობენ, რომ ვაქცინას ჯერ კიდევ 12 თვე დასჭირდება.
მარგარეტ ჰარისი ამბობს, რომ ამ დროისთვის ახალი კორონავირუსის ეპიცენტრი კვლავ ამერიკის შეერთებული შტატებია, მანვე ჟურნალისტებთან საუბრის დროს აღნიშნა, რომ იზრდება შემთხვევების რაოდენობა აფრიკის კონტინენტზე. ჯანდაცვის მსოფლიო ორგანიზაციაში ფიქრობენ, რომ კონტინენტს არ აქვს დიდი გამოცდილება ვირუსთან ბრძოლის რაც შეიძლება დამატებითი პრობლემა იყო.
მსოფლიოში პანდემია უკვე რამდენიმე თვეა გამოცხადებულია და დაინფიცირებულია 4.19 მილიონზე მეტი ადამიანი.