კვირას, ათასობით ვენესუელელმა კოლუმბიის საზღვარი პირველადი აუცილებლობის საქონლის შესაძენად გადაკვეთა. ამ საქონლის შეძენა მათ ქვეყანაში არსებული მწვავე ეკონომიკური კრიზისით გამოწვეული დეფიციტის გამო შეუძლებელი გახდა.
ბევრმა ადამიანმა რამდენიმე საათიანი გზა გაიარა, რათა ორ ქვეყანას შორის საზღვრის, 12 საათიანი გახსნით ესარგებლა. გასულ წელს, ვენესუელის პრეზიდენტმა ნიკოლას მადურომ უსაფრთხოების მოსაზრებით საზღვარი ჩაკეტა, მაგრამ კვირას მისი დროებით გახსნის ბრძანება გასცა.