„სენდი" საარჩევნო კამპანიას აფერხებს

ქარიშხალმა „სენდიმ" შეერთებული შტატების საპრეზიდენტო კამპანიაში დიდი არევ-დარევა შეიტანა.

მაშინ, როდესაც გრიგალი ამერიკის აღმოსავლეთ სანაპიროს უახლოვდება, პრეზიდენტი ობამა და მისი მეტოქე მიტ რომნი დიდი ხნით ადრე დაგეგმილ წინასაარჩევო შეხვედრებს აუქმებენ.

მიტ რომნიმ ვიზიტები გააუქმა ფლორიდის ქალაქ ორლანდოში და ვირჯინიის შტატში. ის ვაშინგტონში დაბრუნდა, სადაც ქარიშხალის დასახვედრად ემზადებიან.