დაზიანება კოსმოსურ სადგურზე

შეერთებული შტატების კოსმოსური სააგენტოს ნასას ცნობით, საერთაშორისო კოსმოსური სადგურიდან ამიაკის გაჟონვა დაფიქსირდა, თუმცა ეკიპაჟის წევრებს არაფერი ემუქრებათ. საერთაშორისო სადგურზე მყოფმა კოსმონავტებმა დღეს დედამიწას აუწყეს, რომ სადგურის სტრუქტურაზე თეთრი ლაქები შეამჩნიეს. მათ დასაფიქსირებლად კოსმონავტებმა ვიდეო კამერები გამოიყენეს. ნასას განცხადებით, საერთაშორისო კოსმოსური სადგური ნორმალურად ფუნქციონირებს. ნივთიერება ამიაკი სადგურის ელექტროსადენების გასაგრილებლად გამოიყენება.