ამერიკის კონგრესს სამი დღე რჩება იმისთვის, რომ მთავრობის მუშაობის ნაწილობრივი შეჩერება აიცილოს თავიდან. პარტიებს შორის და თავად რესპუბლიკურ პარტიაშიც არსებული უთანხმოების გამო, ფედერალური უწყებების დაფინანსების ნაწილი შესაძლოა შეფერხდეს.
კონგრესის ორივე პალატის წამყვანი დემოკრატები და რესპუბლიკელები სამშაბათს პრეზიდენტ ჯო ბაიდენს შეხვდნენ და თქვეს, რომ ე.წ. შათდაუნის, ანუ მთავრობის დახურვის აცილების მიმართულებით "პროგრესია". თუმცა, ჯერჯერობით გაურკვეველი რჩება, მიიღებენ ისინი ბიუჯეტს მთელი ფისკალური წლისთვის, რომელიიც 1-ელ ოქტომბერს დაიწყო, თუ კიდევ ერთი - მეოთხე დროებითი რეზოლუციით განაგრძობენ მთავრობის ფუნქციონირების დაფინანსებას.
ასევე ნახეთ: ბაიდენი პალატის რესპუბლიკელ ლიდერებს შეხვდასენატის დემოკრატი ლიდერი ჩაკ შუმერი და პალატის რესპუბლიკელი ლიდერი მაიკ ჯონსონი ურთიერთბრალდებებს იმეორებენ. ჯონსონი ამბობს, რომ სჯერა, შეთანხმება შესაძლებელია. შუმერი კი მიიჩნევს, რომ "შათდაუნის" მიზეზი არ არსებობს, თუკი ორივე პალატა ორპარტიულად ითანამშრომლებს.
ფედერალური უწყებების ნაწილს დაფინანსება 2 მარტის დადგომისას ამოეწურება, მეორე ნაწილს კი - 8 მარტს.