ამერიკის შეერთებული შტატების პრეზიდენტსა და დედაქალაქის მერს შორის ბოლო რამდენიმე დღის განმავლობაში განცხადებების ომი მიმდინარეობს. ვაშინგტონის მერი პრეზიდენტს და ფედერალურ მთავრობას ქალაქის საქმეებში უხეშ ჩარევაში ადანაშაულებს.
ვაშინგტონის მერმა, პრეზიდენტს ბოლო რამდენიმე დღის განმავლობაში 3 წერილი მისწერა, სადაც ის პრეზიდენტს მოუწოდებდა გაეყვანა ეროვნული გვარდია დედაქალაქის ქუჩებიდან.
Your browser doesn’t support HTML5
"ჩემი და ქალაქის სამსახურების მოთხოვნის მიუხედავად გაირკვა, რომ ვაშინგტონში იმყოფებიან ეროვნული გვარდიის წარმომადგენლები ნიუ-ჯერსიდან და სხვა შტატებიდან. მოგიწოდებთ გაიყვანოთ ეროვნული გვარდიის ჯარისკაცები დედაქალაქიდან. ქალაქის პოლიცია, დამატებით შენაერთებთან ერთად, ვითარებას აკონტროლებს"- წერს ვაშინგტონის მერი ერთ-ერთ წერილში.
პრეზიდენტის მიმართ გაკეთებული განცხადების შემდეგ, ვაშინგტონის მერმა სოციალურ ქსელ "ტვიტერზე" გამოაქვეყნა რამდენიმე განცხადება, სადაც ის ნიუ-ჯერსის, ოჰაიოს და სხვა შტატების გუბერნატორებს მოუწოდებდა გაეყვანათ მათი ეროვნული გვარდიის სამხედროები დედაქალაქიდან.
New Jersey @GovMurphy: I request that you remove your National Guard from our city. They were brought to the District without my knowledge and request. I appreciate your service, but your presence encroaches on the rights of 705,000 tax-paying residents. pic.twitter.com/1H6Ac3oh54
— Mayor Muriel Bowser (@MayorBowser) June 5, 2020
Ohio @GovMikeDeWine: I request that the Ohio National Guard be removed from the District. Without my knowledge and request, they were brought to our streets.While I appreciate your service, we ask that you respect the right to self-governance of 705,000 tax-paying Americans. pic.twitter.com/7MAn0P81pG
— Mayor Muriel Bowser (@MayorBowser) June 5, 2020
რამდენიმე წერილის პასუხად, პრეზიდენტმა ტრამპმა "ტვიტერზე" გაცნხადება გაავრცელა, სადაც დედაქალაქის მერს კომპეტენციას უწუნებს.
"ვაშინგტონის მერი უხეშად არაკომპეტენტურია. მას არ აქვს საკმარისი კვალიფიკაცია იმისთვის, რომ მართოს ისეთი მნიშვნელოვანი ქალაქი, როგორიც ვაშინგტონია"- წერს პრეზიდენტი ტრამპი.
.@MayorBowser is grossly incompetent, and in no way qualified to be running an important city like Washington, D.C. If the great men and women of the National Guard didn’t step forward, she would have looked no better than her counterpart Mayor in Minneapolis!
— Donald J. Trump (@realDonaldTrump) June 5, 2020
პრეზიდენტის ამ განცხადებამდე, ვაშინგტონის მერის გადაწყვეტილებით, თეთრი სახლის მიმდებარე ტერიტორიაზე მდებარე 16-ე ქუჩის ნაწილს სახელი გადაერქვა და მას "შავების სიცოცხლე მნიშვნელოვანია პლაზა" დაერქვა. პრეზიდენტ ტრამპს ამის შესახებ განცხადება არ გაუკეთებია.
Your browser doesn’t support HTML5
ვაშინგტონის მერის გადაწყვეტილებით, გასული ორი ღამის განმავლობაში დედაქალაქში საგანგებო მდგომარეობა გაუქმებული იყო, აქციები კი მშვიდობიან ჩარჩოებში შენარჩუნდა. დღეს და ხვალ ვაშინგტონში მასშტაბურ დემონსტრაციებია დაგეგმილი. მსვლელობა ვაშინგტონის ქუჩებში უკვე დაიწყო. დილიდან ქალაქის ქუჩების დიდი ნაწილი გადაკეტილია, აქციის მონაწილეები ლინკოლნის მემორიალთან და კაპიტოლიუმთან იმყოფებოდნენ. პარალელურად აქცია გრძელდება თეთრ სახლთანაც.
თეთრი სახლის მიმდებარე ტერიტორიაზე უკვე გამოჩნდდა ეროვნული გვარდიაც. ისინი ვითარებას ადგილობრივი ქალაქის პოლიციასთან ერთად აკონტროლებენ. დედაქალაქში, ამ დრომდე, რაიმე სახის ინციდენტი არ დაფიქსირებულა.