გაერთიანებული ერების ორგანიზაცია [გაერო] საქართველოში განვითარებულ მოვლენებს ეხმაურება. გაეროს პრესსპიკერმა სტეფანი დუჯარიკმა განცხადება დღეს, 4 დეკემბერს გაავრცელა.
"შეშფოთებით ვადევნებთ თვალს საქართველოში განვითარებულ მოვლენებს და ხაზს ვუსვამთ გამოხატვის თავისუფლებისა და მშვიდობიანი შეკრების პატივისცემის მნიშვნელობას.
თანაბრად მნიშვნელოვანია, რომ ადამიანის უფლებების დარღვევის შესახებ ყველა ცნობა გამოძიებულ იქნას დროულად და სრული გამჭვირვალობით.
გენერალური მდივანი მოუწოდებს ყველა [პოლიტიკურ] აქტორს, თავი შეიკავონ ისეთი ქმედებისგან, რამაც შესაძლოა შემდგომი ძალადობა გამოიწვიოს და შეეცადონ, უთანხმოება დიალოგის გზით დაძლიონ", - განაცხადა გაერთიანებული ერების ორგანიზაციის პრესსპიკერმა.
ასევე ნახეთ: სენატორები შაჰინი და რიში საქართველოსთან სტრატეგიული პარტნიორობის შეჩერებას ეხმაურებიან