უკრაინის პრეზიდენტმა ვოლოდიმირ ზელენსკიმ განაცხადა, რომ რუსეთის ძალები ფრონტის ხაზზე დიდ ზიანს განიცდიან. მისი თქმით, მოარული აზრი, რომ თითქოს, მოსკოვი იგებს თითქმის ორწლიან ომს, მხოლოდ „შეგრძნებაა“ და ის არ არის დაფუძნებული რეალურ მოცემულობაზე.
„ათასობით, ათასობით მოკლული რუსი ჯარისკაცი, რომლებიც, არც კი გადაასვენეს უკან“, უთხრა გამოცემა "ეკონომისტს" ზელენსკიმ ორშაბათს გამოქვეყნებულ ინტერვიუში. ქვეყნის პრეზიდენტი ალყაში მოქცეული აღმოსავლეთის ქალაქ ავდიივკის გარშემო ბრძოლას გულისხმობდა. ზელენსკიმ ავდიივკისთვის მებრძოლი ჯარისკაცები გასულ კვირას მოინახულა.
ასევე ნახეთ: ახალი წლის ღამეს რუსეთმა უკრაინას 90 დრონით შეუტიაპრეზიდენტს არ წარუდგენია რაიმე მტკიცებულება თავისი ნათქვამის გასამყარებლად, მაგრამ დასავლელი სამხედრო ანალიტიკოსები თანხმდებიან, რომ რუსეთი მართლაც ძვირ საფასურს იხდის ადამიანებისა და აღჭურვილობის დაკარგვით. ამ დანაკარგის ფონზე კი მას აღმოსავლეთ და სამხრეთ უკრაინაში შედარებით მცირე წინსვლა აქვს.
ზელენსკის განცხადებაზე რუსეთის მთავრობიდან კომენტარი ჯერჯერობით არავის გაუკეთებია. მანამდე, რუსმა ოფიციალურმა პირებმა განაცხადეს, რომ დასავლეთის შეფასებები რუსი ჯარისკაცების დაღუპულთა რიცხვის შესახებ ძლიერ გადაჭარბებულია.
რუსეთის პრეზიდენტმა, ვლადიმირ პუტინმა გასულ თვეს განაცხადა, რომ რუსეთის პოზიცია ფრონტის ხაზზე უმჯობესდება და რომ ის მიზნის მიღწევამდე არ შეწყვეტს, "სპეციალურ სამხედრო ოპერაციას". მიზნებს შორისაა უკრაინის "დენაციფიკაცია, დემილიტარიზაცია და მისი ნეიტრალური სტატუსის მიღწევა".
Your browser doesn’t support HTML5
უკრაინაში რუსეთის სრულმაშტაბიანი ომის ორი წელი და სამომავლო საჭიროებები