თურქეთი შეერთებული შტატების სასამართლოს მიერ თურქი ბანკირის გასამართლებას აპროტესტებს. ნიუ-იორკის სასამართლომ მეჰმეტ ჰაკან ატილა შეერთებული შტატების წინააღმდეგ შეთქმულებაში და საბანკო თაღლითობაში დამნაშავედ სცნო. საუბარია შეერთებული შტატების მიერ ირანის წინააღმდეგ დაწესებული სანქციების არიდების მილიარდიან საქმეზე.
თურქეთის საგარეო საქმეთა მინისტრის მოადგილემ სასამართლოს გადაწყვეტილებას იურიდიულ საფუძველს მოკლებული უწოდა.
47 წლის ატილა თურქეთის სახელმწიფო "ჰალბანკის" გენერალური მმართველი იყო.