ტროპიკული შტორმი სახელად „კატია“ შესაძლოა დღეს უკვე ქარიშხლად გარდაიქმნას. კატია ჯერჯერობით ატლანტის ოკეანეში საათში 33 კილომეტრის სიჩქარით მოძრაობს. ამ დროისთვის სანაპიროებზე არანაირი კრიტიკული სიგნალი არ დაფიქსირებულა. ამერიკის ქარიშხლების კვლევის ეროვნული ცენტრის თქმით, ჯერჯერობით ნაადრევია პროგნოზების გაკეთება. თუმცა, სინოპტიკოსები ფიქრობენ, რომ კატია ხუთბალიან შკალაზე პირველი კატეგორიის ქარიშხლად ჩამოყალიბდება და კვირისთვის უკვე კარიბის კუნძულებს მიაღწევს.
