შეერთებული შტატების სახელმწიფო მდივანმა რექს ტილერსონმა “გლობალური კოალიციის” შეხვედრის მონაწილეებს მიმართა. 60 ქვეყნის მინისტრი ვაშინგტონში დაჯგუფება “ისლამური სახელმწიფოს” წინააღმდეგ სტრატეგიაზე მსჯელობს.
მინისტრების შეკრების მიზანი ტერორისტული დაჯგუფების წინააღმდეგ ბრძოლის და დამარცხებისთვის საჭირო ახალი იდეების განხილვაა.
მინისტრების წინაშე სიტყვით გამოსვლისას ტილერსონმა აღნიშნა, რომ კოალიციის მიზანი ტერორისტული ჯგუფის სრული განადგურებაა.