ავღანეთში აფეთქებას 9 ადამიანი ემსხვერპლა

ავღანეთის აღმოსავლეთ ნაწილში მომხდარი აფეთქების შედეგად ცხრა ადამიანი დაიღუპა, მათ შორის, ხუთი პოლიციის ოფიცერი. ნანგახარის პროვინციის ხელისუფლების ცნობით, ტერაქტის სამიზნე ქვეყნის უშიშროების ძალები იყო. ჯერჯერობით აფეთქებაზე პასუხისმგებლობა არავის აუღია.

თალიბანის მებრძოლებმა ბოლო პერიოდში სამთავრობო ძალებზე თავდასხმები გააძლიერეს, რაც ქვეყნიდან კოალიციის გაყვანის თარიღის მოახლოებას უკავშირდება.