ავღანეთში სამხრეთ ოსეთის ე.წ. ხელისუფლების წარმომადგენელს უმასპინძლეს. ინფორმაციას ამის შესახებ თალიბანი ავრცელებს. შეხვედრაზე ცხინვალის რეჟიმს ალექსეი მაქსიმოვი წარმოადგენდა, ხოლო თალიბანს - ვიცე-პრემიერი აბდულ ღანი ბარადარი.
ფოტო შეხვედრის დასადასტურებლად სოციალურ ქსელ "ტვიტერზე" მუჰამედ ნაიმმა, თალიბანის პოლიტიკური ოფისის წარმომადგენელმა გაავრცელა.
نن د افغانستان اسلامي امارت د رئيس الوزراء مرستيال محترم ملا برادر آخند د جنوبي اوسيتيا جمهوريت د بهرني امنيت ارګانونو له رسمي استازي ماکسیموف سره وليدل.په ناسته کې د دواړو هېوادونو په اړونده موضوعاتو، سيمه ايز امنيت او د افغانستان پر وضعيت او وروستيو تحولاتو خبرې وشوې. pic.twitter.com/76cSaBw7MU
— Dr.M.Naeem (@IeaOffice) September 23, 2021
ნაინის ცნობით, შეხვედრაზე საუბარი შეეხო როგორც ე.წ. სამხრეთ ოსეთსა და თალიბანს შორის თანამშრომლობის საკითხებს, ასევე რეგიონში არსებულ ვითარებას.
შეხვედრის შესახებ დამატებითი ინფორმაცია ცნობილი არ არის. არ არის გამორიცხული, რომ ოკუპირებულმა ცხინვალმა თალიბანი ავღანეთის ხელისუფლებად აღიაროს. ცნობები ამის შესხებ მედიაში არაერთხელ გავრცელდა.
სოციალურ ქსელ "იუთუბში" გამოქვეყნდა შეხვედრის ვიდეო კადრებიც. მას მოქალაქე დავით ჟვანია ავრცელებს.