ლავროვი სირიაში მშვიდობის ალტერნატივას ვერ ხედავს

რუსეთის საგარეო საქმეთა მინისტრი სერგეი ლავროვი გამოეხმაურა საერთაშორისო მშვიდობის დესპანის მოწოდებას სირიაში სამოქალაქო ომის შეწყვეტის თაობაზე, რომელიც ეროვნული დიალოგსა და პოლიტიკურ პროცესს მოიცავს.

საგარეო საქმეთა სამინისტროს განცხადებით, სირიის მაღალი რანგის დიპლმატებთან შეხვედრისას ლავროვმა დასძინა, რომ "სამშვიდობო მოლაპარაკებებს ალტერნატივა არ აქვს."

რუსულ საინფორმაციო სააგენტო "ინტერფაქსთან" საუბრისას, ლავროვმა განაცხადა, რომ სირიის სამოქალაქო ომის ესკალაციას შესაძლოა "სისხლიანი ქაოსი" მოჰყვეს. ამასთან მან აღნიშნა, რომ გარდამავალი მთავრობის შექმნის პერსპექტივა ნელ-ნელა ქრება, თუმცა შანსი ჯერ კიდევ არსებობს.