ხერსონის გუბერნატორმა განაცხადა, რომ სამშაბათს, უკრაინის ამ სამხრეთ რეგიონში რუსულ საარტილერიო დაბომბვაში ერთი ადამიანი დაიღუპა და ხუთი დაშავდა.
ოლექსანდრ პროკუდინმა „ტელეგრამზე“ გამოაქვეყნა, რომ თვდასხმის სამიზნე სოფელი ანტონივკა იყო. მან დაამატა, რომ ოთხი დაშავებული საავადმყოფოში გადაიყვანეს.
რეგიონის პროკურორებმა „ტელეგრამზე“ გამოაქვეყნეს, რომ სოფელზე თავდასხმისას რუსულმა ჯარმა არტილერია გამოიყენა და 56 წლის მამაკაცი დაიღუპა.
ასევე ნახეთ: რუსეთმა ხერსონში საავადმყოფო დაბომბახერსონი და მიმდებარე რეგიონი გამუდმებით რუსული ცეცხლის ქვეშ ხვდება. მოსკოვის ძალები დარტყმებს რეგიონის ოკუპირებული ნაწილიდან, მდინარე დნიპროს მარცხენა ნაპირიდან ახორციელებენ.
ადგილობრივი ხელისუფლება ასეთი თავდასხმების შედეგად დაშავებულების შესახებ თითქმის ყოველდღიურად იუწყება. ოფიციალური პირების ცნობით, ორშაბათს რუსეთმა ხერსონში მართვადი ბომბები ჩამოყარა. შედეგად სულ ცოტა 22 ადამიანი, მათ შორის ორი ბავშვი დაშავდა.