რუსეთთან მოლაპარაკებებზე უკრაინის დელეგაციის სპიკერმა და პრეზიდენტ ვოლოდიმირ ზელენსკის ოფისის ხელმძღვანელის მრჩეველმა, მიხაილო პოდოლიაკმა, გერმანიის ხელისუფლება „უკრაინაში მასობრივ მკვლელობაში რუსეთის წახალისებაში“ დაადანაშაულა. პოდოლიაკი, გერმანიის თავდაცვის მინისტრის, კრისტინ ლაბრეხტის, ერთ-ერთ ბოლო განცხადებას გამოეხმაურა.
🇩🇪 minister #Lambrecht openly said: "NATO won’t intervene in the conflict & won’t create a no-fly zone in 🇺🇦". Each such statement by 🇪🇺 politicians encourages 🇷🇺 to massacre in 🇺🇦. If you don’t recognize the war & are afraid of Putin, at least don’t make provocative statements.
— Михайло Подоляк (@Podolyak_M) March 19, 2022
"გერმანელმა მინისტრმა ლამბრეხტმა კიდევ ერთხელ განაცხადა, რომ ნატო არ ჩაერევა კონფლიქტში და არ შექმნის უკრაინის თავზე არასაფრენ ზონას. ეს მომაკვდინებელია. ევროპელი პოლიტიკოსების ყოველი ასეთი განცხადება რუსეთის ფედერაციას უკრაინაში მასობრივი მკვლელობისკენ აქეზებს. თუ თქვენ არ გსურთ, რომ ომს ომი უწოდოთ და პუტინის გეშინიათ, მაშინ პროვოკაციულ განცხადებებს მაინც ნუ გააკეთებთ", - განაცხადა პოდოლიაკმა.
18 მარტს გერმანულ გამოცემა „ზიუდოიჩე ცაიტუნგთან“ ინტერვიუში კრისტინე ლამბრეხტმა კვლავ გამორიცხა უკრაინის თავზე ცის ჩაკეტვა და არასაფრენი ზონის შექმნა. მისი თქმით, ასეთმა ნაბიჯმა შესაძლოა „არაპროგნოზირებადი შედეგები“ გამოიწვიოს.
ლამბრეხტმა ჟურნალისტებს უთხრა, რომ ნატო არავითარ შემთხვევაში არ ჩაერევა უკრაინის წინააღმდეგ რუსეთის ომში.
ასევე ნახეთ: ზელენსკი პუტინს მოლაპარაკებისკენ მოუწოდებს, წინააღმდეგ შემთხვევაში რუსეთისთვის მძიმე შედეგებზე აფრთხილებსრუსეთმა უკრაინის წინააღმდეგ ომი 24 თებერვალს დაიწყო, რასაც წინ უძღოდა პრეზიდენტ პუტინის მიერ უკრაინის ორი სეპარატისტული რეგიონის, დონეცკის და ლუჰანსკის ე.წ. სახალხო რესპუბლიკების "დამოუკიდებლობის" აღიარება.
მანამდე რუსეთმა მოითხოვა, რომ უკრაინა არ გახდეს ნატოს წევრი. პუტინს უკრაინაში "სპეციალური სამხედრო ოპერაციის" მიზნად გამოცხადებული აქვს უკრაინის "დემილიტარიზაცია და დენაციფიკაცია".