თავდასხმა პაკისტანში

ჩრდილო-დასავლეთ პაკისტანში დაუდგენელმა შეიარაღებულმა პირებმა ერთი პოლიციელი მოკლეს და მეორე დაჭრეს. პოლიციელები იმ ექთნებს აცილებდნენ, რომლებიც რეგიონში პოლიომელიტის საწინააღმდეგო აცრებს ატარებენ.

ხელისუფლების განცხადებით, ექთნების ჯგუფი არ დაშავებულა. აღსანიშნავია, რომ პოლიომელიტის აცრებზე მომუშავე ჯგუფებზე პაკისტანში თავდასხმები გახშირებულია. გასული წლის დეკემბერში, დაუდგენელმა პირებმა ცხრა ექთანი მოკლეს. თავდასხმებზე პასუხისმგებლობა არავის აუღია.