პრეზიდენტი ცენტრალურ ამერიკასთან ვაჭრობის გაფართოვების მომხრეა
შეერთებული შტატების პრეზიდენტი ბარაკ ობამა ცენტრალურ ამერიკასთან ვაჭრობის გაძლიერებას უჭერს მხარს და აცხადებს, რომ ეს ამერიკაში სამუშაო ადგილების შექმნას შეუწყობს ხელს. ბარაკ ობამამ ეს განცხადება, თავის ყოველკვირეულ მიმართვაში გააკეთა. ამავდროულად, მან დაასრულა ვიზიტი მექსიკასა და კოსტარიკაში, სადაც ცენტრალური ამერიკის ეკონომიკურ ფორუმს დაესწრო. პრეზიდენტ ობამას განცხადებით, ლათინურ ამერიკას გააჩნია „წარმოუდგენელი შესაძლებლობა“ რათა ხელი შეუწყოს შეერთებულ შტატებში საშუალო ფენის სამუშაო ადგილების შექმნას.