ჩრდილოეთ კორეა აცხადებს, რომ შეერთებული შტატებისგან დიპლომატირუი ზეწოლის მიუხედავად გააგრძელებს ბირთვულ პროგრამაზე მუშაობას.
ფხენიანის საგარეო საქმეთა სამინისტროს მიერ გამოქვეყნებულ განცხადებაში ნათქვამია, რომ ამერიკის აგრესიული პოლიტიკის დასაბალანსებლად, ჩრდილოეთ კორეა ბირთვული შეკავების გაძლიერებას აპირებს.
ეს განცხადება ფხენიანმა მას შემდეგ გამოაქვეყნა, რაც დიდი რვიანის ლიდერებმა ჩრდილოეთ კორეა გააფრთხილეს, რომ თუ ქვეყანა ბირთვულ პროგრამას არ შეწყვეტს მის წინააღმდეგ დამატებითი სანქციები დაწესდება.