ქალაქის რვა მილიონიანი მოსახლეობის დიდი პროცენტის ვაქცინაციის შემდეგ, ნიუ-იორკის მერი აცხადებს, რომ 1 ივლისს ქალაქის სრულად გახსნა იგეგმება. ერთ წელზე მეტია, პანდემიის გამო მიღებული ზომების ფონზე, სხვადასხვა დაწესებულებები შეზღუდვებით მუშაობს, ან სრულადაა დაკეტილი.
„ჩვენ მზად ვართ მაღაზიების, ბიზნესების, ოფისების, თეატრების სრულად გასახსნელად“ - განაცხადა ნიუ-იორკის მერმა.
ბილ დე ბლაზიო აცხადებს, რომ ამ ოპტიმისტური გადაწყვეტილების მიღების საშუალებას, ვაქცინაციის მაღალი მაჩვენებელი იძლევა. მისივე თქმით, ქალაქის 8,3 მილიონ მოსახლეზე, 6,3 მილიონი ვაქცინის დოზა უკვე გაკეთებულია.
ასევე ნახეთ: "მოდერნა" ვაქცინის წარმოებას ზრდის - 3 მილიარდი დოზა 2022 წელს„რასაც ვხედავთ ისაა, რომ ადამიანების მნიშვნელოვანმა რაოდენობამ კოვიდ-19-ის ვაქცინა გაიკეთა. ვიცით, რომ ვაქცინაციის ეს ძალისხმევა სულ უფრო და უფრო იზრდება. ჩვენ ასე უნდა გავაგრძელოთ“, - ამბობს დე ბლაზიო.
ამ დროისთვის, მასშტაბურ სპორტულ ღონისძიებებზე დასასწრებად, ნიუ-იორკში კოვიდ-19-ის ვაქცინის ან ტესტის წარდგენაა საჭირო. მაყურებელთა რაოდენობა კი 20%-მდეა ლიმიტირებული.
აპრილში, ეტაპობრივად დაიწყო ბროდვის თეატრების გახსნა, ასევე ლიმიტირებული რაოდენობის მაყურებლების და სხვა შეზღუდვებით.
ბილ დე ბლაზიოს განცხადებას წინ უსწრებდა ნიუ-იორკის გუბერნატორის გადაწყვეტილებები.
ასევე ნახეთ: CDC სრულად ვაქცინირებულთათვის პირბადის ტარების წესს ცვლისენდრიუ კუომომ, ქალაქის ღამის ცხოვრებას გზა კვლავ გაუხსნა - 17 მაისიდან, ღამი საათებზე დაწესებული შეზღუდვები გაუქმდება რესტორნების გარე სივრცეებზე, 31 მაისიდან კი რესტორნებსა და ბარებს, საგანგებო მდგომარეობით დაწესებული შეზღუდვა, რომელიც მხოლოდ შუაღამემდე მუშაობის საშუალებას იძლეოდა, სრულად მოეხსნებათ.