ქალაქ გორში მდებარე სტალინის მუზეუმს სახელი შეეცვლება და შესაბამისად შეიცვლება მისი არსიც. მუზეუმი ყურადღებას გაამახვილებს იმ დანაშაულებებზე, რომელთაც ადგილი ჰქონდა საბჭოთა დიქტატორის დროს. როგორც კულტურისა და ძეგლთა დაცვის მინისტრმა ნიკა რურუამ განაცხადა, გორში მდებარე სტალინის მუზეუმი შეუთავსებელია თანამედროვე საქართველოსთვის. მუზეუმი 1937 წელს დაარსდა. აქ შედის პატარა სახლი სადაც სტალინი დაიბადა.
