რუსეთმა 17 ივნისს განაცხადა, რომ უკრაინის ომის თემაზე შვეიცარიაში ჩატარებული სამშვიდობო სამიტი უმნიშვნელო შედეგებით დასრულდა, რამაც, კრემლის მტკიცებით, მოსკოვის გარეშე მოლაპარაკებების გამართვის უშედეგობა დაადასტურა.
კრემლმა კომენტარი უქმეებზე გამართულ სამიტთან დაკავშირებით გააკეთა, რომელსაც 90-ზე მეტი ქვეყანა ესწრებოდა. ერთობლივ დეკლარაციაში დასავლურმა ძალებმა და მათმა მოკავშირეებმა ერთხმად დაგმეს რუსეთის შეჭრა უკრაინაში. თუმცა, მათ ვერ შეძლეს დაერწმუნებინათ წამყვანი არამოკავშირე სახელმწიფოები, რომ მათ მიერ მიღებულ, საბოლოო, ერთობლივ განცხადებას შეერთებოდნენ.
ასევე ნახეთ: პუტინი ცეცხლის შეწყვეტის სანაცვლოდ, უკრაინის 4 რეგიონზე კონტროლს ითხოვს, კიევი მოთხოვნაზე თანახმა არააორშაბათს, კრემლის პრესსპიკერმა დმიტრი პესკოვმა თქვა, რომ იმ კონფერენციის შედეგი, რომელზეც რუსეთი არ მიიწვიეს, "ნულთან იყო ახლოს, თუკი საუბარი ეხება შეხვედრის ეფექტიანობას". მისი თქმით, პრეზიდენტ პუტინის სამშვიდობო ინიციატივა კვლავ დღის წესრიგშია და მოსკოვი დიალოგისთვის ისევ გახსნილია.
სამიტის დაწყების წინ, რუსეთის პრეზიდენტმა ვლადიმირ პუტინმა განაცხადა, რომ ის მზადაა უკრაინაში ომი დაასრულოს, თუკი კიევი უარს იტყვის ნატოში გაწევრიანების ამბიციაზე და რუსეთს მთლიანად გადასცემს 4 რეგიონზე კონტროლს. "პირობები ძალიან მარტივია", - განაცხადა პუტინმა და მათ შორის დაასახელა უკრაინის ძალების სრულად გაყვანა დონეცკის, ლუჰანსკის, ხერსონისა და ზაპორიჟიის რეგიონებიდან, ქვეყნის სამხრეთ და აღმოსავლეთ ნაწილიდან.
კიევმა პუტინის შეთავაზება მაშინვე უარყო. „ცხადია, ჩვენ მშვენივრად გვესმის, რომ დადგება დრო, როდესაც საჭირო იქნება რუსეთთან საუბარი“, - განაცხადა უკრაინის საგარეო საქმეთა მინისტრმა დიმიტრო კულებამ. „მაგრამ, ჩვენი პოზიცია ძალიან მკაფიოა: ჩვენ არ მივცემთ საშუალებას რუსეთს ილაპარაკოს ულტიმატუმების ენაზე, როგორც ის ახლა საუბრობს“.
Your browser doesn’t support HTML5
უკრაინაში დაღუპული ქართველი მებრძოლები 2014-2024