დღეს ღაზის სექტორი ისრაელის სამხედრო თვითმფრინავებმა დაბომბეს. მათი სამიზნე სამხედრო დაჯგუფება “ისლამისტური ჯიჰადის” პოზიციები იყო.
საჰაერო იერიშს რამდენიმე საათით ადრე, წინ უძღოდა ისრაელის თავდაცვის ძალების განცხადება, რომლის მიხედვითაც ღაზის სექტორიდან ისრაელის სამხრეთისკენ სულ ცოტა, 25 რაკეტა ისროლეს. განცხადებაში ასევე ნათქვამია, რომ მათი უმეტესობა სარაკეტო თავდაცვის სისტემამ “რკინის გუმბათი” შეაჩერა. ისრაელის მხარეს მსხვერპლი არ არის.