გერმანიის ხელისუფლება ჰამბურგში მოქმედი ბანკის საქმეს იძიებს, რომელიც ირანს საერთაშორისო სანქციების გვერდის ავლაში ეხმარებოდა. ამის შესახებ გერმანიის ფინანსთა სამინისტროს წარმომადგენელმა განაცხადა. თუმცა, მისი თქმით, ჯერჯერობით ევროპულ-ირანული სავაჭრო ბანკის მიმართ რაიმე უკანონო ფაქტი არ არის გამოვლენილი. ბანკის შესახებ კი პირველმა “უოლ სტრიტ ჯორნალმა“ დაწერა. გაზეთის თქმით, ბანკი თავსი საქმიანობას იმ ირანული კომპანიების სახელით წარმართავდა, რომელიც გაეროს, ევროკავშირის და შეერთებული შტატების მიერ შავ სიაშია შეყვანილი.