საბერძნეთში ეკონომიკური კრიზისი გრძელდება

საბერძნეთის ეკონომიკური მაჩვენებლების გაუარესება ევროკავშირში კვლავ დიდ შეშფოთებას იწვევს. ბოლო ინფორმაციით, უმუშევრობამ ქვეყანაში 23 პროცენტს მიაღწია და ის გასულ წელთან შედარებით 17 პროცენტით მაღალია.

საბერძნეთის მთავრობის მიერ დღეს გაკეთებული განცხადების მიხედვით, უმუშევრობამ ყველაზე მეტად ახალგაზრდებზე იმოქმედა. მათი 55 პროცენტი დაუსაქმებელია. ქვეყნის ეკონომიკა მე-5 წელია გაუარესების გზაზეა. უმუშევრობის მაჩვენებელი 17 ქვეყნისგან შემდგარი ევროზონის საშუალო მონაცემს ორჯერ აღემატება. დაუსაქმებელთა რაოდენობით ესპანეთი ლიდერობს. უმუშევრობა იქ 25 პროცენტს აღწევს.