სახელმწიფო დეპარტამენტის პრესპიკერმა, ნედ პრაისმა დღეს, ქარველი ჟურნალისტის შეკითხვაზე პასუხად ლექსო ლაშქარავას გარდაცვალების შესახებ განაცხადა, რომ სახელმწიფო დეპარტამენტს აქვს სხვადასხვა გზები იმისთვის, რომ ძალადობაში და ადამიანის უფლებების დარღვევაში მონაწილე პირებს, პასუხი აგებინოს.
"პირველ რიგში, ჩვენ ვუსამძირებთ თქვენი ყოფილი კოლეგის, ლექსო ლაშქარავს ოჯახს და საყვარელ ადამიანებს, მის კოლეგებს, მათ შორის თქვენც. ჩვენ ახლოს ვადევნებთ თვალს ცნობებს მისი გარდაცვალების გარშემო. ჩვენ მოვუწოდებთ სიმშიდისკენ და ძალადობის დასრულებისკენ, რომელსაც უკვე ერთი სიცოცხლე ტრაგიკულად შეეწირა", - თქვა მან.
იმაზე თუ რამდენად რეალურია სანქციების დაწესება, ნედ პრასიმა განაცხადა, რომ სანქციების დაწესებამდე, დეპარტამენტი ამის შესახებ არ აცხადებს.
ასევე ნახეთ: კამერების კორიდორი და ტაში - ტვ პირველის ოპერატორი დაკრძალეს"ჩვენ გვაქვს სხვადასხვა ინსტრუმენტები, რომ პასუხი ვაგებინოთ მათ, ვინც პასუხისმგებელია ადამიანი უფლებების დარღვევაზე, ძალადობაზე მსოფლიოს გარშემო. სანქციები ერთ-ერთი ინსრუმენტია. ჩვენ სანქციების შესახებ, მათ დაწესებამდე არ ვაცხადებთ, როგორც იცით. თუმცა, ახლოს ვაკვირდებით სიტუაციას და დავაკვირდებით, რათა ვიხილოთ, რომ ისინი, ვინც პასუხისმგებელი არიან, დაისჯებიან. როცა საქმე საქართველოში ყველა პოლიტიკურ აქტორს ეხება, ჩვენ მოვუწოდებთ, მათ ღიად, საჯაროდ, დაგმონ მომხდარი. რაც შეეხება საქართველოს მთავრობას, ჩვენ ვიმეორებთ ჩვენ მოწოდებას, რომ ეს სრულყოფილად იქნას გამოძიებული და ძალადობის მონაწილეებმა სამართლის წინაშე პასუხი აგონ", - თქვა მან.
ასევე ნახეთ: რიში და კინზინგერი გმობენ ძალადობას საქართველოშიპრაისმა აღნიშნა, რომ მსგავსი ძალადობა დემოკრატიისთვის მიუღებელია.
"ყველა ქართველი ჟურნალისტის უსაფრთხოება და დემოკრატიისადმი სანდოობა საქართველოში მოითხოვს, რომ ყოველი ადამიანი, რომელიც თავს დაესხა მშვიდობიან დემონსტრანტებს და ჟურნალისტებს 5-6 ივლისს ან ისინი, ვინც ძალადობისკენ მოუწოდებდა- უნდა იყვნენ იდენტიფიცირებული, დაკავებული და გასამართლებული კანონის სრული ძალით. ჩვენ შევახსენებთ საქართველოს ლიდერებს და სამართალდამცავებს მათ პასუხისმგებლობას, რომ დაიცვან ყველანი ვინც საკუთარი კონსტიტუციური უფლებით სარგებლობს. ჩვენ მათ შევახსენებეთ მათ პასუხიხსმგებლობას, რომ დაიცვან ჟურნალისტები, რომლებიც პრესის თავისუფლებით სარგებლობენ. ჩვენ მოვუწოდებთ ყველა ქართველს, მათ შორის ქართველ ოფიციალურ პირებს, რომ საჯაროდ დაგმონ მსგავსი ძალადობა, რომელსაც არ აქვს ადგილი დემოკრატიაში", - განაცხადა სახელმწიფო დეპარტამენტის პრესსპიკერმა.
პრასიმა აღნიშნა, რომ სახელმწიფო დეპარტამენტი, ეწინააღმდეგება ძალადობას LGBTQ თემის წინააღმდეგ მსოფლიოს გარშემო.
"მსოფლიოს გარშემო, ჩვენ ამაყად ვუწყობთ ხელს LGBTQI ადამიანების დაცვას ძალადობისგან, შევიწროებისგან, კრიმინალიზაციისგან, დისკრიმინაციისგან და სტიგმისგან, და ვცდილობთ ხელი შევუწყოთ ადგილობრივ დონეზე LGBTQI+ მოძრაობებს და ადამიანებს. ჩვენ მტკიცედ ვეწინააღმდეგებით LGBTQI+ თემის წინააღმდეგ ძალადობას და ამ შემთხვევაში, სასტიკ ძალადობას თქვენი ყოფილი, გარდაცვლილი კოლეგის შემთხვევაში", - აღნიშნა მან.
ასევე ნახეთ: მიქსი: საქართველოს მთავრობამ ვერ დაიცვა მისი ხალხის უფლებებიპრემიერ-მინისტრის გადადგომის შესახებ კი მან თქვა, რომ ეს ქართველი ხალხის გადასაწყვეტია.
"რაც შეეხება პრემიერ-მინისტრს და მის მომავალს, ეს ქართველი ხალხის გადასაწყვეტია" - თქვა პრაისმა.
ლაშქარავა 5 ივლისს ჯგუფურად სასტიკად ცემეს, როცა სამსახურეობრივ მოვალეობას ასრულებდა. ის მომხდარიდან რამდენიმე დღეში გარდაიცვალა.