კვიპროსის ბანკომატებთან დიდი რიგებია

კვიპროსის ლიდერებმა გადაწყვიტეს გააუქმონ ბანკის დეპოზიტებზე ერთჯერადი ბაჟი, რომელიც ევროკავშირის მიერ გამოყოფილი მასტიმულირებელი გეგმის სანაცვლოდ უნდა შესულიყო ძალაში. ხმელთაშუა ზღვის ეს კუნძული ყოველთვის იყო ინვესტორებისთვის მიმზიდველი ადგილი, განსაკუთრებით კი რუსი ინვესტორებისთვის, რამაც უკანასკნელ დროს ევროპაში დიდი მითქმა-მოთქმა გამოიწვია.

კვიპროსში შესაძლოა ბანკები კვლავ დახურული დარჩეს, თუმცა ბანკომატებთან კვლავ დიდი რიგებია. მოსახლეობა ცდილობს ნაღდი ფულის გამოტანას. კვიპროსელების გარდა ფული სხვა ეროვნების ხალხსაც გამოაქვთ.