მას შემდეგ, რაც ამერიკის შეერთებული შტატების სახელმწიფო მდივანმა ჩეჩნეთის მეთაურს, რამზან კადიროვს და მისი ოჯახის წევრებს, ახალი სანქციები დაუწესა და კადიროვის ქმედებები "ამაზრზენად" შეაფასა, კადიროვმა მიიღო გადაწყვეტილება, რომ ამერიკის სახელმწიფო მდივანს სანქციები დაუწესოს.
ასევე ნახეთ: აშშ-ის სახელმწიფო დეპარტამენტი რამზან კადიროვს დამატებით სანქციებს უწესებსჩეჩნეთის ლიდერმა ჟურნალისტებთან საუბრის დროს თქვა, რომ თუ აქამდე მაიკ პომპეოს ჩეჩნეთში ეპატიჟებოდა, დღეს მან მიიღო გადაწყვეტილება, რომ მიწვევა გააუქმოს და მეტიც, ამერიკის სახელმწიფო მდივნის წინააღმდეგ სანქციები აამოქმედოს.
"მორჩა, მე მოწვევას ვაუქმებ. დღეიდან ამოქმედდება ყველა სანქცია, რის საშუალებასაც ჩვენი ქვეყნის კანონმდებლობა გვძლევს,"- განაცხადა რამზან კადიროვმა პრესკონფერენციაზე რომელსაც, 23 მედიასაშუალება აშუქებდა.
პრესკონფერენციამდე, კი კადიროვმა სოციალურ ქსელში ფოტო გამოაქვეყნა, სადაც ის შეიარაღებულია და დაწერა "ვიღებთ გამოწვევას ბრძოლაში. ეს ბრძოლა უფრო საინტერესო ხდება."
Your browser doesn’t support HTML5
"მონსტრი" რომელიც ვერაფერ განსხვავებულს ვერ ეგუება
მას შემდეგ, რაც ამერიკის შეერთებულმა შტატებმა ჩეჩნეთის ლიდერს და მის ოჯახს დამატებითი სანქციები დაუწესა, ვლადიმირ პუტინმა რამზან კადიროვი, 23 ივლისს გენერალ მაიორის სამხედრო წოდებით დააჯილდოვა.