ირანის ბირთვულ სადგურს პრობლემები აქვს

ორი დიპლომატის განცხადებით, ირანის ბირთვულ სადგურზე უკანასკნელი მიწისძვრის შედეგად სერიოზული დაზიანებებია.

ინკოგნიტო დიპლომატებმა "ასოშეითიდ პრესს" განუცხადეს, რომ საერთაშორისო მონიტორების აზრით, ბუშერის ბირთვულ სადგურზე მოზრდილი ბზარები გაჩნდა.

ირანმა ბირთვული ელექტროსადგურის უსაფრთხოების გლობალურ ხელშეკრულებაზე ხელი არ მოაწერა, თუმცა სადგური 2011 წელს გახსნის შემდეგ რამდენჯერმე დახურეს.

ირანის მეზობელი ქვეყნები, კუვეიტის და საუდის არაბეთის ჩათვლით აცხადებენ, რომ რუსეთის მიერ აგებული ბირთვული ელექტროსადგურის უსაფრთხოება საგანგაშოა.