ქარიშხალმა „იდამ“ ნიუ-იორკისა და ნიუ-ჯერსის შტატები მძიმედ დააზარალა. ორივე შტატში, წყალდიდობას მინიმუმ 9 ადამიანის სიცოცხლე ემსხვერპლა. ქარიშხალს მოყოლებული ძლიერი წვიმის შედეგად მოვრადნილმა ნიაღვარმა შეაღწია მეტროსადგურებში, წაიღო ავტომობილები. წყალი შევარდა ნიუარკის აეროპორტის ბარგის მიმღებ სართულზე. მძიმე მეტოროლოგიური პირობების გამო გადაიდო ფრენები.
განვითარებულ მოვლენებს, ნიუ-იორკის მერმა ბილ დე ბლასიომ „ისტორიული“ უწოდა. ამინდის ეროვნულმა სამსახურმა კი, ქალაქ ნიუ-იორკში წყალდიდობასთან დაკავშირებით საგანგებო ვითარება პირველად გამოაცხადა.
სატრანსპორტო სისტემების მწყობრში მოსაყვანად, რომლითაც მილიონობით ადამიანი სარგებლობს, აღდგენითი სამუშაოები მალევე დაიწყო.
ნიუ-იორკის გუბერნატორმა ქეთი ჰოქულმა მგზავრებს სთხოვა, შინ დარჩენ. „მოგვეცით გარკვეული დრო იმისთვის, რომ მატარებლების მუშაობა აღვადგინოთ“ - ამბიბს გუბერნატორი. მეტროს მუშაობის შეწყვტის გამო, ბევრ მგზავრს პრობლემები შეექმნა.
ამინდის ეროვნული სამსახურის განცხადებით, ფილადელფიიდან ნიუ-იორკამდე „წვიმის განსაკუთრებული ოდენობა მოვიდა“, ნალექი 5-დან 7,6 სანტიმეტრამდე აღწევდა.
ხუთშაბათს დილის მონაცემებით, ნიუ-იორკში მეტრო კვლავ განსაკუთრებული შეზღუდვებით მუშაობს.
ოთხშაბათს გვიან ღამით, ორივე შტატშის, ნიუ-იორკისა და ნიუ-ჯერსის გუბერნატორებმა საკუთარ შტატებში საგანაგებო მდგომარეობა გამოაცხადეს. დილის ხუთ საათამდე ქალაქში აკრძალული იყო სამოქალაქო ავტომობილების მოძრაობა.
ასევე ნახეთ: ქარიშხალ "იდასგან" დაზარალებულებს მოუწოდებენ სახლში არ დაბრუნდნენძლიერი წვიმისა და წყალდიდობის გამო, ხუთ ჩრდილო-აღმოსავლეთ შტატში, 200 000-ზე მეტი აბონენტი ელექტროენერგიის გარეშე იყო დარჩენილი.
ჩრდილოეთის შტატებამდე სამი დღით ადრე, ქარიშახლმა „იდამ“ ლუიზიანის შტატის სამხრეთ ნაწილიც მძიმედ დააზარალა. პრეზიდენტი ჯო ბაიდენი ლუიზიანის მონახულებას პარასკევს გეგმავს. ვრცლად