სამხრეთ აფრიკის რესპუბლიკის ყოფილი პრეზიდენტი ნელსონ მანდელა სამედიცინო გამოკვლევების და დიაგნოზის დადგენის მიზნით იოჰანესბურგის საავადმყოფოში მოათავსეს. მას მუცლის ღრუში ხანგრძლივი ტკივილები აწუხებდა. ქვეყნის ამჟამინდელმა პრეზიდენტმა ჯაკობ ზუმამ განაცხადა, რომ 93 წლის ყოფილ პრეზიდენტს და დისიდენტს საფრთხე არ ემუქრება და მას კვირას ან ორშაბათს საავადმყოფოდან გაწერენ.
