ომის ახალი მინისტრი

შეერთებული შტატების სადაზვერვო სამსახურის ცნობით, ერაყში ალ-ყაიდასთან დაკავშირებულმა სამხედრო დაჯგუფებამ ომის ახალი მინისტრი აირჩია. ერაყული დაჯგუფება საკუთარ თავს ერაყის ისლამურ სახელმწიფოს უწოდებს. ახალი ლიდერი კი ალ-ნასერ ლიდიინ ალაჰ აბუ სულეიმანია.

ამის შესახებ ჯიჰადისტების ინტერნეტ ფორუმი იუწყება. განცხადება მას შემდეგ გავრცელდა, რაც შეერთებული შტატების და ერაყის ადგილობრივმა სამხედრო ძალებმა გასულ თვეს ერაყში ალ-ყაიდას ორი ლიდერი მოკლეს.