სენეგალის ოპოზიცია მოსახლეობას პრეზიდენტ აბდულა ვადეს წინააღმდეგ ამბოხებისკენ მოუწოდებს, რათა მას მესამე ვადით პრეზიდენტობის საშუალება არ მისცენ. ამის შესახებ სენეგალის ოპოზიციური ჯგუფის - "23 ივნისის მოძრაობის" განცხადებაშია ნათქვამი. "23 ივნისის მოძრაობის" ლიდერები აცხადებენ, რომ სასამართლოს გადაწყვეტილება, როემლიც პრეზიდენტს მესამეჯერ კენჭისყრის საშუალებას აძლევს, უკანონოა. ოპოზიციამ უკვე ქუჩის საპრტოტესტო აქციების დაწყებაც გამოაცხადა, რათა 85 წლის პრეზდიენტს გადადგომა აიძულონ.
