ავტობუსი 15 მეტრის სიმაღლიდან მდინარეში გადავარდა.
რუსეთის ოფიციალურ პირთა განცხადებით, სამხრეთ თურქეთში მოხდარი ავტობუსის საგზაო ავარიის შედეგად 17 რუსი ტურისტი გარდაიცვალა .
ავტობუსს ტურისტები ხმელთაშუა ზღვის კურორტზე-ანტალიაში მიჰყავდა. თურქული ტელევიზიის განცხადებით, ავტობუსის მძღოლს, რომელიც თურქული ეროვნების იყო, მართვის დროს ჩაეძინა და ხიდზე გადასვლისას 15 მეტრის სიმაღლიდან მდინარეში გადავარდა. ავტობუსის 25 მძიმედ დაშავებული მგზავრი სასწრაფოდ საავადმოყოფოში გადაიყვანეს.