ობამამ რესპუბლიკელებს გადასახადების გაზრდისკენ მოუწოდა

აშშ-ს პრეზიდენტმა ბარაკ ობამამ თეთრ სახლში გამართულ პრეს-კონფერენციაზე დაჟინებით მოუწოდა კონგრესის რესპუბლიკელ წევრებს დათანხმდნენ მდიდრებისთვის საშემოსავლო გადასახადების გაზრდაზე და ეს უნდა მოხდეს დეფიციტის შემცირების თაობაზე გარიგების ნაწილის სახით. როგორც ობამამ თქვა აშშ-ში მილიონერებმა და მილიარდერებმა მეტი საშემოსავლო გადასახადები უნდა გადაიხადონ და რომ ნავთობის მსხვილი კომპანიებისათვის არ უნდა არსებობდეს ამ დარგში სპეციალური შეღავათები. პრეს-კონფერენციაზე ობამა ლიბიის საკითხსაც შეეხო. მან გაამართლა ამ საკითხში მისი ადმინისტრაციის მოქმედება და აღნიშნა, რომ უმეტეს შემთხვევაში ამ საკითხში მისი ადმინისტრაციის კრიტიკოსთა მოტივი პოლიტიკური ხასიათისაა.