ანტი მუსლიმურ ფილმში მონაწილე პროდიუსერს უჩივის

ანტი-მუსლიმურ ფილმში მონაწილე მსახიობი ქალი ფილმის პროდიუსერს თაღლითობასა და სიცრუეში ადანაშაულებს. შეგახსენებთ, რომ ამ ფილმმა ახლო აღმოსავლეთში მუსლიმური სამყაროს აღშფოთება და საპროტესტო აქციები გამოიწვია.

ოთხშაბათს, ლოს ანჯელესის სასამართლოში სინდი ლი გარსიამ ფილმის რეჟისორის წინააღმდეგ სარჩელი შეიტანა. მისი თქმით, პროდიუსერმა მას ანტიკური ეგვიპტის თემაზე ფილმში თამაში შესთავაზა. სინდი ლი გარსიას თქმით, სცენარი რადიკალურად განსხვავდება იმ დიალოგებისგან, რაც პროდიუსერმა ფილმის გადაღების დასრულების შემდეგ დაადო.