ნატოს ყოფილი გენერალური მდივანი ანდერს ფოგ რასმუსენი საქართველოში გამართულ საპარლამენტო არჩევნებს ეხმაურება და ამბობს, რომ "საქართველოში ჩატარებულმა არჩევნებმა კიდევ ერთხელ გამოავლინა ქართველების ერთგულება ევრო-ატლანტიკური ინტეგრაციისადმი." რასმუსენი ასევე დასძენს, რომ ხმას აიმაღლებს საქართველოს ევროატლანტიკური გზის მხარდასაჭერად.
ასევე ნახეთ: NDI: დარღვევებმა არჩევნების წინ მიღწეული წინსვლა გადაფარა"მიხარია, რომ შაბათს ჩატარებულმა არჩევნებმა კიდევ ერთხელ გამოავლინა ქართველების ერთგულება ევრო-ატლანტიკური ინტეგრაციისადმი. მაღალი იყო ამომრჩეველთა აქტივობა პანდემიის მიუხედავად. საერთაშორისო დამკვირვებლების პირველადი შეფასებით, საპარლამენტო არჩევნები კონკურენტული და თავისუფალი იყო. თუმცა, არჩევნების შედეგებისადმი ნდობის განსამტკიცებლად, საჭიროა დარღვევების სათანადოდ გადაწყვეტა.
ასევე ნახეთ: აშშ-ის საელჩო არჩევნებთან დაკავშირებით ეუთო/ოდირის პირველად შეფასებას იზიარებს31 ოქტომბერს, გარე ძალების ჩარევის საგულისხმო შემთხვევები არ გამოვლენილა. დემოკრატიების ალიანსის ფონდმა იმუშავა ყველა ძირითად პოლიტიკურ პარტიასთან რომ დაენერგა ღირსეული, ეთიკური ციფრული კამპანიის პრინციპები, რაც არ მისცემდა მავნე ძალებს ნოყიერ ნიადაგს ჩარევისათვის. თუმცა, ეს სიმშვიდისთვის არ კმარა. იმედი მაქვს, ქართული პოლიტიკური პარტიები გააგრძელებენ დემოკრატიის დაცვას ფრონტის წინა ხაზებიდან. მე კი, განვაგრძობ ხმა ავიმაღლო საქართველოს ევრო-ატლანტიკური გზის მხარდასაჭერად," - წერს რასმუსენი.