გაუგებრობა პილოტსა და დისპეჩერს შორის მოხდა
ჰოლანდიის სამხედრო პოლიციის განცხადებით, ამსტერდამის აეროპორტში დაშვებულ თვითმფრინავს უშიშროების ძალებმა ალყა შემოარტყეს, თუმცა მოგვიანებით ალყაშემორტყმული ხომალდის მფლობელმა ავიაკომპანიამ განაცხადა, რომ გატაცების შესახებ ინფორმაცია მცდარი იყო.
ესპანური კომპანია „ვუილინგის" ოფიციალური პირების განცხადებით, გაუგებრობა პილოტსა და ამსტერდამის შიპოლის აეროპორტის დისპეჩერს შორის მოხდა. ესპანეთის ქალაქ მალაგიდან თვითმფრინავი ამსტერდამში დაჯდა, სადაც მას უშიშროების ძალებმა ალყა დაშვებისთანავე შემოარტყეს.