ალ შაბაბი საერთაშორისო დახმარებაზე უარს ამბობს

სომალელ ამბოხებულთა დაჯგუფებამ - ალ შაბაბმა მის მიერ კონტროლირებად ტერიტორიაზე საერთაშორისო დახმარების ჯგუფს შესვლა აუკრძალა.

მეამბოხეებმა ორშაბათს სოციალურ ქსელ „თვითერში" გაავრცელეს ინფორმაცია, რომ ლონდონში ბაზირებულ საერთაშორისო ორგანიზაციას სხვა ორგანიზაციებთან, კერძოდ კი გაეროს მსოფლიო სასურსათო პროგრამასთან, ფარულ ურთიერთობებში ადანაშაულებენ.

ისლამისტური დაჯგუფება ალ შაბაბი არ აკონკრეტებს, თუ როდის გეგმავს საერთაშორისო ორგანიზაციისთვის ლიცენზიის აღდგენას.