გაერთიანებული ერების ორგანიზაციის უმაღლესმა სასამართლომ 2 თებერვალს დაადგინა, რომ ის განიხილავს კიევის მიერ შეტანილ საქმეს, რომელშიც უკრაინა სასამართლოს სთხოვს გამოიტანოს გადაწყვეტილება, რომ აღმოსავლეთ უკრაინაში გენოციდი არ მოუწყვია. ეს არის ბრალდება, რომელიც რუსეთმა გააჟღერა უკაინის წინააღმდეგ და ქვეყანაში შეჭრის საბაბად, სანამ 2022 წლის თებერვალში, მეზობელ სახელმწიფოში სრულმასშტაბიან ომს დაიწყებდა.
Your browser doesn’t support HTML5
ნუ დავივიწყებთ უკრაინას - გაერო
უკრაინამ ეს საქმე მართლმსაჯულების საერთაშორისო სასამართლოში 2022 წლის თებერვალში რუსეთის მიერ უკრაინაში სრულმასშტაბიანი შეჭრიდან რამდენიმე დღეში შეიტანა. 16 მოსამართლისგან შექმნილი პანელი აცხადებს, რომ მომდევნო ეტაპზე ისინი განიხილავენ, ჩაიდინა თუ არა უკრაინამ გენოციდი დონეცკის და ლუჰანსკის რეგიონებში, რომლებიც ახლა რუსეთის ოკუპაციის ქვეშ არიან.
მართლმსაჯულების საერთაშორისო სასამართლო (ICJ) ასევე ცნობილია, როგორც მსოფლიო სასამართლო. გაეროს უმაღლესი სასამართლო ორგანოc ჰააგაში მდებარეობს, ისევე როგორც სისხლის სამართლის საერთაშორისო სასამართლო (ICC). თუმცა, ამ უკანასკნელისგან განსხვავებით, რომელიც ქვეყნის შიგნით მიმდინარე დავებს განიხილავს, მართლმსაჯულების საერთაშორისო სასამართლო სახელმწიფოებს შორის მსაჯულის როლში გამოდის.
მოსამართლეებმა დაადგინეს, რომ სასამართლოს აქვს იურისდიქცია, თავდაპირველი საქმის მხოლოდ მცირე ნაწილის განხილვაზე. მოსამართლეებმა უარი თქვეს უკრაინის მოთხოვნის განხილვაზე, რომ სრულმასშტაბიანი ომის დაწყებით და აღმოსავლეთ უკრაინაში ჩადენილი დანაშაულებით, რუსეთმა 1948 წლის გენოციდის კონვენცია დაარღვია.