გუშინ ვაშინგტონში თეთრ სახლთან საპროტესტო აქცია გაიმართა. დემონსტრანტები, რომლებმაც თეთრ სახლს ცოცხალი ჯაჭვი შემოარტყეს, ნავთობსადენის მშენებლობას აპროტესტებდნენ, რომელიც მათი თქმით გარემოზე უარყოფით გავლენას მოახდენს. ისინი პრეზიდენტ ობამას მოუწოდებდნენ, უარი თქვას ნავთობსადენის მშენებლობაზე, რომელმაც ნავთობი კანადიდან ტეხასი შტატამდე უნდა გადაზიდოს. თეთრი სახლის პრესსამდივნოს ცნობით, პოლიციას დემონსტრანტებიდან არავინ დაუკავებია. თავად პრეზიდენტი ობამა იმ დროს თავის რეზიდენციაში არ იმყოფებოდა.
